Një nga mbështetësit e ish-kryeministrit Berisha, Fatmir Merkoçi ishte shoqëruar në polici pas protestës në selinë blu.
Merkoçi ishte një nga protestuesit që u filmua teksa po tentonte të ngjitej me shkallë në katin e dytë të selisë së PD. Ai është pyetur nga hetuesit lidhur me veprimin që ka bërë dhe Merkoçi nuk e ka kursyer përgjigjen.
Në fakt, përgjigja e ti është nga ato që të shkakton të qeshura. Ai e ka treguar përgjigjen që i ka dhënë hetuesve për “ABC live”.
Mësohet se para hetuesve Merkoçi ka thënë kishte hipur në shkallë për të ndërruar kryetarin e PD, pasi ai është djegur, njësoj siç na digjen shpesh edhe llampat.
“Unë ngjitem në shkallë kur duhet të ndërrojë llampën e djegur…në seli u ngjita në shkallë se na është djegur kryetari”-mësohet se ka thënë Merkoçi.
Rrëfimi i Merkoçit:
– Zoti Fatmir Merkoci, jeni thirrur për të deponuar se çfarë donit në majë të shkallëve tek selia e PD-së?
– Zoti hetues, keni parasysh kur digjen llampat dhe perdoren shkallët për ti ndërruar meqense janë lart!
– Ç’lidhje ka kjo?
– Unë u ngjita me shkallë të ndërroj kryetarin qe rrinte në kat të dytë , se është djegur!
