Kryeministri Edi Rama, në rubrikën e tij “Sy m’sy” në rrjete sociale, u pyet sërisn nëse do të bëjë debat politik me kreun e PD, Sali Berisha.
Gjatë fjalës së tij, ai tha se nuk ka me kë të bësh debat, pasi “bufi i kënetës është në rrëshqitje e sipër”.
“Mezi po pres të filloj takimet se është e vetmja mënyrë për t’u çliruar dhe desintoksikuar nga helmet, që s’i marr që nga fushata e 2009, nuk shoh më televizor, dhe vetëm në raste të caktuara nëpërmjet Youtube që mi çojnë. Duhet detoks.
Dhe i vetmi detoks është me njerëzit realë, në jetën reale. Me ata që në fund të ditës vendosin, që çyrykët i quajnë të blerë, të sëmurë, të shitur, administratë dhe ata këtë 11 Maj do të jenë më shumë se kurrë që do të votojnë mua dhe PS-në.
Me kë të bëj debat? Me “bufin e kënetës”? A je në vete? Aq më tepër që bufi është në rrëshqitje e sipër. Çfarë debati?”, shprehet Rama.
