Princ Herry njihej si donzhuani i përjetshëm i familjes mbretërore, deri në momentin që Meghan erdhi në jetën e tij duke ndryshuar gjithçka. Natyrshëm lind pyetja se çfarë e bëri princin e pandreqshëm të ndryshonte kaq shumë?
Sipas biografit mbretëror, Andrew Morton, udhëtimi i princit Harry drejt dashurisë së vërtetë nuk qe kurrë i lehtë. Në fakt ai ka dështuar në lidhjet e mëparshme pikërisht prej statusit të tij mbretëror. Me Meghan çdo gjë ishte ndryshe. Ajo menjëherë mori situatën në dorë duke pasur çdo gjë nën kontroll.
Aktorja 36-vjeçare, është një femër e fortë e cila i bën gjërat sipas mënyrës së saj dhe nuk pranon kompromise, dhe pikërisht kjo karakteristik e bëri Herry-n të binte në dashuri kaq shumë dhe brenda dy viteve të caktonte edhe ditën e dasmës me të.
“Ajo është e fortë, e opinionuar dhe ka idetë e saj, dhe kjo është pikërisht një nga gjërat që princi adhuron tek ajo.”
Vetbesimi i saj ka bërë edhe princin më të sigurt në vetvete. Në fakt çifti ka bërë një punë shumë të mirë dhe princi ndihet më i relaksuar kur bashkëshortja e tij e ardhshme i rri në krah.
