Administrata e Trump ka nisur një luftë të hapur me shtypin e lirë amerikan, dhe gazetarët nuk po e përtypin dot.
"Yeah, we get it, you don't like us. Fine. But do you have to put our lives in danger?" – Katy Tur to Trump
An amazing monologue standing up for the press after the Capital Gazette shooting and exposing threats journalists endure from the President's base.pic.twitter.com/DJN1QQAcKx
— Adam Best (@adamcbest) August 3, 2018
“Po, e kuptojmë. Nuk na ke qejf. Mirë. Por pse duhet të vendosësh jetët tona në rrezik?”
Me këto fjalë iu drejtua gazetarja e NBC, Katy Tur, presidentit Donald Trump të premten në një monolog, pas disa ngjarjeve të trazuara të javës. Tur theksoi se Trump po ushqen sulmet ndaj gazetarëve duke i quajtuar “armiqtë e popullit,” dhe vazhdon të ofendojë edhe pas të shtënave me armë zjarri ndaj gazetës Capital Gazette që i mori jetën 5 personave.
Gjatë monologut ajo përmendi fjalët e publicistit të New York Times, A.G.Sulzberg, që më parë i ka thënë Trump-it se deklaratat e tij po i vë jetët e gazetarëve në rrezik, dhe një reporter i CNN është sulmuar nga mbështetësit e Trump në Florida të mërkurën.
Në një intervistë televizive, Ivanka Trump u pyet nga gazetari nëse ajo mendon që janë armiqtë e popullit. Ivanka, e vendosur në siklet nga pyetja i kërkon ta përsërisë, e më pas përgjigjet kjo.
“Më vjen mirë që dikush nga administrata e Trump e tha këtë gjë me zë dhe me figurë. Fatkeqësisht, kërcënimet dhe sulmet ndaj gazetarëve nuk po ndalin. Ne i marrim çdo ditë,” tha Katy Tur, duke theksuar se nxitja që i bën Trump mbështetësve të tij për të sulmuar gazetarët veçse i ka rritur kërcënimet.
“Uroj të të përdhunojnë e të të vrasin,” lexon Tur ndërsa përmend se ky mesazh i ka ardhur nga një mbështetës i Trump./Opinion.al
