Artan Gaçi është deputet i PS për qarkun e Tiranës në dy legjislaturat e fundit. Ai ka ardhur në politikë ngta radhët e biznesit. Emri i tij rezulton në listën që po heton prokuroria në bazë të ligjit të dekriminalizimit. Bashkë me të po hetohen edhe 5 deputetë të tjerë, përkatësisht: Armando Prenga (PS), Gledion Rehovica (LSI), Aqif Rakipi (PDIU), Omer Mamo (PDIU) dhe Mhill Fufi (PD).
Siç shihet edhe nga kjo listë, Gaçi është deputeti më në zë i kësaj liste. Gaçi po ashtu është bashkëshorti i deputetes së PS, Olta Xhaçka. Ai vetë është shprehur se nuk ka qenë kurrë i ndaluar apo i proceduar jashtë vendit. Reagimi i Gacit
Në gjithë këto vite, emri i Gaçit nuk është atakuar as nga opozita e cila disa herë ka akuzuar mazhorancën si të lidhur me krimin. Nëse PD i ka përmedur Ramës; Bushin, Prengën, Rroshin, etj. emri i deputetit Gaçi nuk është lakuar si i lidhur me krimin.
I vetmi rast është ai raportit konfidencial të OSBE-së, botuar nga Lapsi.al në shtator të 2015 ku emri i Gaçit ishte në listën e 31 deputetëve-biznesmenë.
Në atë raport flitej për dyshime se disa biznesmenë kanë hyrë në politikë për të pastruar paratë dhe për të mbrojtur bizneset e tyre. Ai vetë reagoi në atë kohë duke thënë se “nuk e kuptoj a e kish per mire a per keq. Se nuk arrij te kuptoj cte keqe ka te kesh jetuar e punuar ndershem, te kesh krijuar e prodhuar vlera per vete, te tjeret e vendin”.
Pritet me interes për tu parë se çfarë ka dosja e prokurorisë për Artan Gaçin, një nga deputetët kryesor në PS….
/Opinion.al
