Në konferencën e sotme për mediat teksa bëri të ditur se i ka dërguar Presidentit të Francës, Emanuel Macron dhe kancelarit gjerman Scholz, një draft për Asocacionin e komunave me shumicë serbe, i punuar nga ekspertë amerikanë, Rama u pyet nga gazetarët nëse po e sulmon Albin Kurtin.
Kreu i qeverisë theksoi se Kurtin po e fajëson bota demokratike dhe se kjo situatë i shkakon keqardhje.
“Nuk kam dalë vullnetar për të bërë marrëveshje, por kam dhënë një kontibut që bazohet në grupin e ekspertësh për tryezën e dialogut. S’kam dalë vullnetar për të bërë asnjë marrëveshje. Drafti është statuti i asocicacionit të komunave serbe. Të gjithë e dimë se nëse zgjidhet kjo është zgjidhur nyja gordiane e të gjithë kësaj historie të gjatë dhe është hapur rruga dhe për njohjen e ndërsjellë”-tha Rama.
Pse po e sulmoni Albin Kurtin?
Rama: Nuk e sulmoj Albin Kurtin, Kurtin e fajëson bota demokratike dhe kjo mua më shkakton keqardhje pse duhet të ndodh kështu./Opinion.al
