Interneti po zien pas performancës së Lady Gagas dhe Bradley Cooper në ceremoninë e çmimeve “Oscar”.
Ashtu siç ishte paralajmëruar dyshja performoi këngën “Shallow”, me të cilën arritën të fitonin edhe çmimin “Kënga më e mirë origjinale”. Por ajo që ra në sy ishte fakti se Gaga dhe Cooper, u afruan më shumë se duhet, madje thuajse u puthën në fund të perfomancës.
Ndjekësit e ceremonisë janë ndarë në dy grupe të mëdha, grupi i parë dyshon se mes tyre ka diçka më shumë sesa thjesht miqësi, nisur nga kimia që ata kishin gjatë perfomancës. Dyshja nuk hoqën sytë nga njëri tjetri për asnjë sekond, teksa shkëmbenin prekje dhe gjithçka dukej aq reale.
Ndërsa një pjesë tjetër më e vogël në numër, mendon se mes tyre nuk ka asgjë përtej një miqësie të fortë, duke insistuar në idenë që ata janë aktorë dhe duhet të duken vërtetë të dashuruar dhe real, në rolet e tyre.
Gaga shfaqej për herë të parë në tapetin e kuq pas ndarjes nga i fejuari i saj Christian Carino, teksa menjëherë pas familjes falenderoi Cooper për mbështetjen që i ka dhënë. Ndërsa Cooper shoqërohej nga modelja e njohur, Irina Shayk, e cila është dhe partnerja e tij prej disa vitesh. Dyshja kanë së bashku një vajzë, dhe janë bashkë që prej kohës kur Irina Shayk u nda nga futbollisti i njohur, Cristiano Ronaldo.
Komentuesit mendojnë se Shayk u ndje keq gjatë perfomancës së partnerit, por gjithsesi ajo duartrokiti dhe u shfaq e buzëqeshur. “Bradley sapo la Irinën për Gagën para miliona njerëzve” shkruanin ndjekësit./E.M
