Majlinda Bregun e kanë kujtuar disa OJQ që të përfshihet seriozist në gjetjen e konsensusit për reformën në drejtësi.
Kjo duket qartë në ftesën, krejtësisht në shkelje të afateve për mënyrën e funksionimit të këshillit kombëtar të integrimit që zonja Bregu si kryetare ka nisur dje për një mvledhje që pritet të zhvillohet sot.
Siç duket qartë në email-in që kryetarja Bregu u ka nisur deputetëve, shqetësimin më të madh për reformën ajo e ka ndarë dhe me disa OJQ, duke harruar ndoshta që sot ende vijojnë negociatat dhe marrëveshja mund të arrihet ndërsa zonja Bregu pozon përpara kamerave.
Mbledhja e këshillit të integrimit lajmërohet sipas rregullores pesë ditë përpara, madje duke përcaktuar qartë dhe rendin e ditës.
Dhe sigurisht që çështja e reformës është më e vjetër se kaq.
Por të reja janë reagimet e vonuara dhe të sponsorizuara.
Një prej të cilave e financuar nga Soros mblodhi dje disa përfitues projektesh përballë Kuvendit.
E njëjtë në përpjekje duket dhe inisiativa e zonjës Bregu, por ndërsa OJQ ndoshta marrin ndonje fond më shumë për këtë takim, i paqartë duket pozicioni i zonjës Bregu.
A po i bën ajo me këtë mbledhje presion PD?
Ndoshta dikush në gjuhën shqipe dhe jo anglisht duhet ta informojë zonjën Bregu se negociatat janë drejt fundit dhe mbledhja e saj jashtë rregullores i shërben vetëm ca OJQ- ve që majmen me fonde dhe ndokujt që ka ditë pa treguar modelin e ri të flokëve dhe fustanin në televizion.
