Enkelejd Alibeaj ka komentuar ditën e sotme në një dalje për media situatën e krijuar brenda kampit të Partisë Demokratike.
I pyetur se pse nuk ka shpallur kandidaturën për kryetar të PD-së përballë Lulzim Bashës, Alibeaj ka thënë se gjatë periudhës kur ai ishte kryetar i komanduar i kësaj force politike, Partia Demokratike ka qenë e sukesesshme në ndryshimin e mentalitetit.
Gjatë fjalës së tij, ai tha se e ka kryer me sukses sfidën e tij.
Sipas tij, një PD e suksesshme nuk varet nga humori dhe shijet e një individi të caktuar.
“Unë e kam bërë të ditur dhe në deklaratën time të mbarimit të mandatit si drejtues i PD-së dhe jam serioz në të gjitha detyrat që marr në PD, mund të them se ka qenë e suksesshme të asaj që ishte synimi i PD-së pas vitesh “luftë” që PD të dilte gjallë, jo vetëm në numra e sot PD ka këtë koshiencë që i duhet një PD e ndryshuar në mentalitet.
Nuk ka kaluar shumë kohë kur unë kam thënë, PD e suksesshme nuk duhet të jetë një parti që të varet nga shijet dhe humori i një individi. Nuk do të jetë një parti që do të varet se cila do të jetë shija. Partia nuk është grupi parlamentar. Nuk ka grupi parlamentar të drejta për të ndërhyrë për procesin organizativ të partisë. Deputetët janë shpirtra të lirë, kanë të drejtë të bëjnë zgjedhjet e tyre. Një pjesë e anëtarëve të Këshillit Kombëtar kanë gjetur strofull të majtë tek LSI-ja”, tha Alibeaj./Opinion.al
