Nëna, babai, vëllai dhe familjarë të tjerë të Mateos së vogël, që u vra nga fqinji, kanë protestuar para burgut të Vlorës.
Me pankarta në duar dhe me thirrje kundër autorit të krimit, ata kërkuan që Klodian Çalamai të nxirret nga qelia e paraburgimit dhe të marri dënimin e duhur, të vritet.
Gjatë protestat situata u tensionua dhe familjarët e 8-vjeçarit tentuan të futen në qelitë e paraburgimit, duke u ngjitur nga hekurat.
Menjëherë përpara dyerve të burgut, është vendosur një kordon policor për të mos lejuar familjarët të hyjnë me forcë brenda ambienteve.
“Dua të vërtetën. Dua drejtësi për atë kriminel të mallkuar. I poshtri. Duam të dimë pse e vrau. Duam drejtësi. Duam të dimë të vërtetën se pse e vrau një fëmijë 8-vjeç. Mos na e fshihni kriminelin. Ju mbani kriminelin një kriminel. Për ça e mbani në izolim?! Të vijë të flasë këtu me ne.” -tha nëna për “News24”.
Familja e Mateos nuk është dakord me masën e sigurisë që dha Gjykata e Fierit dhe për këtë arsye kanë nisur një peticion për rikthimin e dënimit me vdekje. Për këtë arsye ato po mbledhin edhe firmat nga qytetarët që janë dakord për rikthimin e dënimit me vdekje dhe t’ia dorëzojnë vetë kryeministrit./Opinion.al
