Kreu i Partisë Demokratike, Lulzim Basha në një konferencë për mediat këtë të mërkurë hodhi akuza ndaj qeverisë dhe tha se ka ministra që pastrojnë para dhe grabisin fonde publike.
Nga selia blu, Basha theksoi se kjo është arsyeja që PD insiston te vettingu i politikanëve.
“Kur Amerika e vendos luftën kundër korrupsionit prioritetin e saj madhor, sepse ai cënon interesin kombëtar, po ne këtu?? Kur një grusht njerëzish kanë grabitur çdo gjë? Kur ministra të qeverisë pastrojnë para dhe grabisin fonde publike.
Vettingu i politikanëve është në fakt vetëm një mjet për të luftuar korrupsionin dhe lidhjet me krimin, shembull i përpjekjeve tona serioze. Pse kemi kërkuar Vettingun e politikanëve, që t’ja bëjmë më të lehtë punën SPAK”, tha Basha./Opinion.al
