Një studimi i realizuar në Skoci ka arritur në konkluzionin se ish-futbollistët janë 3 herë më shumë të rrezikuar nga sëmundjet e trurit sesa popullsia e zakonshme.
Në studimin e udhëhequr nga Dr. Willie Stewart i Universitetit të Gllasgout, janë 7676 burra që kanë luajtur futboll profesionist në Skoci nga viti 1900 deri në vitin 1976.
Më pas, të dhënat e ish-lojtarëve janë krahasuar me ato të më shumë se 23 000 personave të zakonshëm dhe është parë se ata që kanë luajtur futboll janë 3 herë më të rrezikuar që të preken nga skleroza, Alzajmeri dhe Parkinsoni.
Ish-kapiteni i Anglisë, Alan Shearer, ka pranuar në vitin 2017 se ka frikë nga skleroza pasi në karrierën e tij e ka goditur topin me kokë rreth 100 herë në ditë. Shearer i është nënshtruar analizave për të kuptuar se si goditjet me kokë kanë ndikuar në trurin e tij.
Por, nga ana tjetër, Federata Angleze e Futbollit u shpreh kështu në një komunikatë: “Studimi nuk përcakton nëse shkaku i sëmundjeve të trurit është nga goditja e topit me kokë, mënyra e të luajturit, dizajni dhe përbërja e topit në atë kohë apo stili i jetës së futbollistit”./ Opinion.al E.Xh.
