Një studim i Universitetit Tutgers në New Brunswick të New Jerseyt, ka zbuluar se një numër i konsiderueshëm homoseksualësh nga Kosova po kërkojnë azil në Kanada dhe Shtetet e Bashkuara të Amerikës.
Studimi ka përfshirë 26 intervista me persona që kanë fituar statusin e refugjatit apo azilit në SHBA apo Kanada mbi bazën e orientimit seksual apo identitetit gjinor.
“Abuzimi i ashpër verbal, fizik dhe seksual shpesh nis nga fëmijëria”, thuhet në studim.
Midis tyre ka edhe individë nga Kosova, përveç Barbados, Bjellorusisë, Xhamajkës, Iranit, Kenias, Malajzisë, Nikaraguas, Perusë, Rusisë, Koresë Jugore, Trinidadi, Ugandës, Ukrainës dhe Venezuelës.
Studimi konstaton se të rinjtë LGBT janë në rrezik të lartë për abuzim që kontribuon më pas në probleme mendore siç është depresioni, ankthi, stresi traumatik, mendimet vetëvrasëse dhe tentimet vetëvrasëse.
“Gjetjet sugjerojnë se në krahasim me ato që tashmë i dimë për të rinjtë LGBT në SHBA, fëmijët dhe të rinjtë në këto vende kanë mbështetje më të vogël gjë që ndikon në aftësitë e tyre ripërtëritëse”, ka thënë autori i studimit Edward Alessi, profesor në Departamentin për Punë Sociale në Universitetin Rutgers University në Neë Brunswick.
Homoseksualët thonë se kanë përjetuar abuzime nga shoqëria. Abuzimi thonë se nis në shkollë fillore për të vazhduar përgjatë gjithë shkollës së mesme.
