Kreu i Partisë Demokratike, në një konferencë për mediat nga selia blu ka hedhur akuza edhe ndaj kandidates së Fierit, Zegjine Çaushi.
Ai ka deklaruar se Zegjineja hidhej nga dega në degë pasi kishte porosi që duhej të futej në Parlament. Madje kreu i PD, Berisha e ka konsideruar atë si Sara Mile e Fierit.
“Pse hidhej Zegjineja nga dega në degë? Kishin porosi që duhej të futej në parlament. Ishte Sara Mile e Fierit. Para jush dua t’u them shqiptarëve se kjo farsë është një fatkeqësi e madhe kombëtare, por ka një rrugëdalje, qëndresën e tyre”, u shpreh Berisha.
Kryedemokrati theksoi se kjo farsë dallon nga të tjerat pasi “është e vetmja që është dënuar para se të zhvillohet”.
“Lufta kundër kësaj farse vazhdon me të gjithë forcën dhe përpjekjen”, theksoi ai.
Berisha u shpreh edhe njëherë se zgjedhjet nuk mund të njihet dhe se rruga e vetme janë “zgjedhje të lira dhe qeveri teknike”.
