Një i vrarë dhe një i plagosur ishte bilanci tragjik i një përplasje në Fier mes policisë dhe grabitësve. Asnjëri prej grabitësve nuk ishin nga Fieri, por ata kishin informacione dhe godisnin familje apo biznesese ku mendonin se ka para. Siç kemi parë nga pamjet në TV dhe dëshmitë e komshinjve, Minella Muça dhe bashkëshortja e tij, janë një çifti pensionistësh që banojnë në një apartament të vjetër në lagjen “29 nëntori” në Fier. Por grabitësit kanë sulmuar këtë familje, pasi çifti Muça ka një djalë në Meksikë. Kësisoj ata janë nisur për të marrë pikërisht kursimet që mendohet se ai i sillte në Shqipëri, thanë burime nga grupi hetimor.
Po kështu burimet thanë se “ata ishin një grup i strukturuar kriminal, që dyshohet se ka kryer një sërë grabitjesh kohët e fundit”. Me vete kishin përveç armëve, dorezave dhe maskave edhe një çantë me vegla që do të shërbente për të hapur derën.
Ngjarja ndodhi në lagjen “29 Nëntori”, të premten në orën 2:27 minuta, kur 4 persona të armatosur tentuan të hynin me forcë në banesën e Minella Muçës për të grabitur. I vdekur mbeti 20 vjecari, Xhuljano Sollaku nga fshati katund i ri i Elbasanit. I plagosur Arben Muça, 35 vjeç me origjinë nga Puka dhe me banim në Durrës. Ai po mbahet i arrestuar në kushte spitalore. Deri më tani nuk ka pranuar të japë identitetin e dy grabitësve të tjere që arritën të largohen nga vendi i ngjarjes. /Opinion.al
Bashkengjitur:
