Garda e Republikës mori në mbrojtje javën e shkuar, Ambasadorin e Bashkimit Europian, Luigi Soreca, me një vendim të Këshillit të Ministrave. Në konferencën për shtyp të kësaj të hëne, Ministri i Brendshëm Blendi Çuçi është pyetur nga gazetarët për arsyet e marrjes së këtij vendimi.
Gjatë fjalës së tij, Çuçi tha se tha se qeveria ka të drejtën të caktojë mbrojtje të posaçme edhe për personalitete kur e sheh të arsyeshme. Sipas tij, kjo kishte qenë kërkesë e vetë ambasadorit të BE.
“Në lidhje me vendimin e qeverisë në bazë të ligjit të ri të Gardën së Republikës qeveria ka të drejtën të caktojë mbrojtje të posaçme edhe për personalitete të tjera kur e sheh të arsyeshme. Në rastin konkret ka qenë një kërkesë nga siguria e zotit Soreca dhe në bazë të kësaj kërkesë morëm një vendim për të shtuar nivelin e sigurisë. Pse ka ardhur kjo mund të pyesni në kabinetin e zotit Soreca”./Opinion.al
