Për të dhënë një përgjigje të saktë duhet të merren në konsideratë masat që janë marrë dhe koha e marrjes së tyre. Rasti i parë i raportuar në Ekuador ishte në 29 shkurt. Ekuadori u bë shteti i tretë në Amerikën Latine, tek i cili arriti virusi, kështu që mund të supozohet se COVID-19 ka qarkulluar dhe ka qenë i fshehtë për më shumë ditë. Presidenti Lenin Moreno shpalli një gjendje të jashtëzakonshme vetem ne daten 16 mars.
Në këtë moment, Ekuadori është vendi i dytë në Amerikën Latine me numrin me të lartë të të infektuarve me COVID-19, pas Brazilit. Sidoqoftë, Ekuadori ka 12 herë më pak banorë dhe është 30 herë më i vogël se Brazili. Ekuadori është aktualisht vendi më me shumë të infektuar në Amerikën Latine, sipas numrit të banorëve për metër katror. Qytetarët nuk kanë respektuar karantinimin dhe kanë neglizhuar masat mbrojtëse.
Esteban Ortiz, një epidemiolog, gjithashtu shpjegoi për BBC, se lidhja me Spanjën, një nga qendrat e infektimit në Europë, mund të shpjegojë shumë mirë si situata doli nga kontrolli në Ekuador. Ekuadorianët përbëjnë pjesën më të madhe të emigrantëve në Spanjë. Shumë prej tyre u larguan nga Spanja në fillim të vitit. Kjo gjithashtu shpjegon faktin se vatrat e infektimit në vend janë Quito dhe Guayaquil, dy qytetet qe kanë aeroporte ndërkombëtare.
Rasti 0, në të vërtetë, përfshin një grua që kishte udhëtuar nga Madridi për në Guayaquil, në 14 shkurt dhe kishte qenë në kontakt me të paktën 180 njerëz, pas mbërritjes. Për pasojë, qeveria Ekuadoriane ka humbur gjurmët e të infektuarëve, sepse pas identifikimit dhe izolimit të këtyre 180 personave me të cilët pacienti 0 ka patur kontakt, është shumë e vështirë të gjurmohen me rigorozitet të gjitha infektimet e mundshme./Opinion.al
