TIRANË- Kongresi i Partisë Socialiste, ashtu siç u përfol edhe më parë, nuk do të mbahet në Janar, duke thyer vendimin e Asamblesë. Lajmi mësohet përmes burimeve, ndërsa Kryetari i PS, Edi Rama ende nuk ka thënë një sqarim publik për socialistët.
Mësohet se ditën e djeshme Rama ka mbledhur 6 koordinatorët e rajoneve dhe me grupin e strategjisë elektorale, ku u tha se Kongresi do të mbahet në muajin Mars.
Nuk dihet se si do të zyrtarizohet ky vendim, pasi Asambleja Kombëtare e mbledhur në korrik të këtij viti kishte vendosur që Kongresi të mblidhej në muajin janar, pa përcaktuar një datë.
Kërkesën për shtyrjen e kongresit e bëri dy muaj më parë koordinatori
i qarqeve Vlorë Gjirokastër, Koço Kokëdhima. Këtë propozim, Kokëdhima e kishte argumentuar me faktin se kalendari i përcaktuar nga Asambleja Kombëtare nuk mund të respektohej, për shkak të gjendjes në të cilën ndodhen strukturat e PS, veçanërisht në Vlorë. Asokohe propozimi u kundërshtua nga disa ministra dhe deputetë përfshirë kreun e grupit Gramoz Ruçi.
Në takimin e djeshëm ka munguar deputeti Kokëdhima, ndërsa
merrnin pjesë pesë koordinatorët e rajoneve, Saimir Tahiri, për qarqet
Tiranë Durrës, Blendi Klosi për qarqet Berat Fier, Taulant Balla për
qarqet ElbasanKorçë, Lindita Nikolla për qarqet LezhëDibër dhe
Ditmir Bushati për qarqet Shkodër Kukës, por dhe anëtarët e grupit
të strategjisë elektorale, Niko Peleshi, kryebashkiakët, Erion Veliaj,
Vangjush Dako dhe Dritan Leli.
