Varietetet e bukës janë të panumërta, që nga buka masive, buka e thekrit, buka e grurit, buka e fshatit, buka e zezë, buka e bardhë, buka me fara, simitet me suzam apo edhe franxhollë a bageta.
Sipas të dhënave në Shqipëri numërohen përafërsisht 5000 furra buke, ndërsa vetëm në Tiranë mund të jenë rreth 1500 furra buke, ndërkohë që një familje mesatare blen minimalisht një bukë në ditë.
Por pas përzgjedhjes së bukës së preferuar qëndron më shumë se ngjyra apo mielli. Çdo zgjedhje që një konsumator bën ka një ndikim të menjëhershëm në trupin e tij. Ndaj përpara se të kërkosh bukën, duhet të zgjedhësh atë që ta zgjat jetën dhe jo atë që ta shkurton.
Buka e bardhë, është ndoshta buka më e konsumuar në treg, por ajo që duhet të dini është që kjo bukë është një kallup i madh sheqeri.
Ngrënia e kësaj buke do t’i rrisë ndjeshëm nivelet e sheqerit në gjak duke shtuar rrezikun për atak në zemër, mëlçi të veshur me yndyrna, obezitet dhe diabet.
Studiuesit kanë provuar se buka e bardhë mund të përshpejtojë formimin e rrudhave në fytyrë dhe tharjen e lëkurës. Buka e bardhë prodhohet me miell të bardhë të përpunuar. Përpunimi i miellit do të thotë që atij i janë hequr proteinat dhe Vitaminën B për të krijuar një produkt që është më i ëmbël dhe lehtësisht i përtypshëm nga konsumatori.
Nga ana tjetër, sado të përpiqesh t’i qëndrosh larg sheqerit duhet të dini që sheqeri përdoret me majanë industriale në përgatitjen e bukës. Nëse jeni konfuzë në përzgjedhjen e bukës me drithëra, mundohuni të gjeni të dhëna mbi sasinë në gram të drithërave të përdorur. N
Buka integrale nuk irriton zorrët dhe e mbush më shpejt stomakun duke dhënë ndjesinë e ngopjes. Në përbërjen e saj nuk ka vetëm vlera ushqyese dhe energjike, por ka shije, është e pazëvendësueshme, i përket tokës, grurit që është simbol i jetës dhe rilindjes.
Buka integrale sidomos ajo e bërë me brumë të ardhur nga maja’ natyrale është më e mira për njerëzit që kujdesen për shëndetin, duke mos përmbajtur shumë niseshte ka më pak kalori sesa buka e bardhë dhe e jep më shpejt ndjesinë e ngopjes.
Zgjidhja më e mirë për çdo konsumator është buka integrale, ajo e bërë me 100 përqind drithëra të plotë. Megjithatë, nëse në paketim shkruhet “grurë”, “kaq sasi gruri të plotë” apo “shumëdrithësh”, atëherë me siguri po bleni thjesht një bukë të bardhë, paksa të ngjyrosur.
Drithërat e papërpunuar, pra drithërat e plota, e përmbajnë natyrale vitaminën B si edhe proteinat, që garantojnë një paraqitje shumë më rinore të lëkurës por edhe të flokëve.
Buka me shumë drithëra. Ajo që duhet të dini është se buka shumëdrithëshe dallon nga buka me 100% drithëra të plota, për faktin e vetëm që në pregatitjen e saj janë përdorur disa lloj drithërash, por jo drithëra të plotë, pra të papërpunuar. Drithërat e përdorur janë të zhveshur nga fibra dhe përbërësit natyralë. Në shumicën e rasteve kjo bukë përmban miell gruri dhe miell elbi.
Ndërkohë buka integrale përmban fibrën e jashtme të grurit (krunde), thelbin lëndë ushqyese të pasur (embrionin) dhe shtresen e mesme të dendur në karbohidrate. /AgroWeb.org
