Drejtuesi i Departamentit të Diasporës në LIBRA, Daniel Shahollari, ka treguar arsyet se pse ish-deputeti socialist dhe njëkohësisht kryetari i këtij subjekti politik, Ben Blushi, nuk ka reaguar për çështjet e bujshme të këtyre kohëve të fundit: “Habilaj” dhe “Tahiri”.
Në një intervistë për “Fax News”, Shahollari deklaroi se Libra në përgjithësi dhe Blushi në veçantësi nuk kanë reaguar, pasi këto gjëra që kanë dalë tani, ky subjekt politik i ka publikuar një vit më parë.
Ai tha se i janë shmangur deri-diku prononcimeve dhe deklaratave të këtyre ditëve, pasi është një proces që i përket drejtësisë.
(Foto: Daniel Shahollari)
Sipas tij, ato që LIBRA ka thënë para një viti, po dalin sot.
“Ne kemi thënë që policia është e lidhur me krimin dhe se drogën nuk e mblillnin fshatarët e thjshtë por policia. Dhe e kanë kthyer Shqipërinë në një vend droge. Ne e kemi thënë këtë dhe nuk këmi ca të themi më. Ne e kemi qenë të parët që e këmi thënë, të tjetër nuk e kanë thënë se kanë qenë pjesë të tepsisë.”, u shpreh Shahollari.
