(Në foto, Klodian Shehi dhe Edi Rama)
Partia Socialiste, me shumë gjasa, ka tërhequr emrin e Klodian Shehit nga zgjedhjet e pjesshme në Kavajë që do të mbahen me 25 qershor. Mësohet se Shehi nuk do të jetë më alternativa për kryetarin e ri të Bashkisë Kavajë.
Politiko.al bën me dije se PS do të propozojë emrin e Valbona Karkini Mustafa, e cila është kryetarja e Forumit të Gruas së PS për Rrethin Kavajë.
Më 25 qershor në Kavajë do të mbahen zgjedhjet e pjesshme për kryetar bashkie, pas largimit të Elvis Roshit, i shkarkuar, pasi rezultoi subjekt i ligjit të dekriminalizimit.
Vendimi për kandidaten e re pritet që të zyrtarizohet nesër, ndërsa kujtojmë se Klodian Shehi zhvilloi disa ditë fushatë përpara se Rama t’i kërkonte tërheqjen nga kandidimi.
