Kryeministri Edi Rama ka deklaruar se i ka kërkuar kandidatit të PS në Kavajë që të tërhiqet nga zgjedhjet.
“I kam sugjeruar kandidatit të PS të tërhiqet nga gara e të dielës”, tha kryeministri Rama.
Rama tregoi se ka një plan për destabilizimin e vendit.
“Ka një plan për destabilizim të këtij vendi, që çadra është ngritur për ta vënë në jetë këtë plan. Këto nuk janë hamendje, por fakte”.
Kryeministri i Shqipërisë, Edi Rama, në krye të herës deklaroi se ndihet i qetë në ndërgjegje, me arsyen se ka bërë dhe vazhdon të bëjë gjithça që është e mundur për t’i dhënë zgjidhje krizës.
Rama tha se një gjë të tillë e bën, jo për ata që janë në çadër, por për demokratët e zakonshëm që meritojnë respekt. Sipas tij, mekanizmi i ri institucional që ka propozuar për kontrollin e brendshëm të qeverisë gjatë zgjedhjeve, garanton barazi dhe transparencë për gjithë garën zgjedhore.
“Dua t’iu them faleminderit për mbështetjen që na jepni në këtë përpjekje për të lidhur fillin e humbur të PD-së dhe për t’mos lënë asgjë pa bërë në funskion të gjithëpërfshirjes së procesit të 18 qershorit“.
Rama deklaroi se nuk duhet të ketë askush asnjë shqetësim, sepse edhe nëse do të donte të negociojë 18 qershorin, e ka të pamundur pasi nuk është në dorën e tij. Ai theksoi se 18 qershori është përcaktuar në bazë të Kushtetutës për gjykimin e partive nga populli. Ndërsa, tha se 18 qershori nuk mund të jetë pjesë e neogicatave të partive.
“Ju siguroj se nëse si kryetar partie nuk kam asnjë të voglin shqetësim nëse PD-së i shkon deri në fund një tragjedie vetëvrasje; si kryeministër nuk dua të lë asnjë gur që qytetarët që duan të votojnë PD-në të kenë mundësi t’a bëjnë në 18 qershor“.
