Dritan Bici, deputeti i PDIU-së ka kaluar nga radhët e socialistëve. Lajmin e ka bërë të ditur kreu i Kuvendit, Gramoz Ruçi gjatë seancës plenare.
“Në zbatim të kodit për dorëzimin e mandateve, njoftuam organin kompetent për të vijuar me procedurat e mëtejshme. Ndërkohë që iu njoftoj se deputeti Dritan Bici është bërë anëtar i grupit të PS-së” tha ai.
Më herët PS-së, iu bashkua edhe deputetja e Dibrës, Reme Lala, ndërsa Elena Xhina e ka shpallur se do të jetë e pavarur. Dritan Bici fitoi mandatin në qytetin e Elbasanit dhe hyri në Kuvend pas largimit të Aqif Rakipit. Ai është larguar nga PDIU në kohën kur Shpëtim Idrizi prishi koalicionin me mazhorancën aktuale./ Opinion.al
