Partia Socialiste ka mbledhur sot grupin parlamentar, ku në fokus ka qenë përgatitja për zgjedhjet e 30 qershorit. Mbledhja është drejtuar nga kryetari i grupit, Taulant Balla, ndërsa kryeministri Edi Rama ka munguar.
Sot deputetët socialistë kanë vendosur mbledhjen e Asamblesë së Përgjithshme, për të zyrtarizuar edhe kandidaturat e socialistëve për zgjedhjet e 30 qershorit. Kujtojmë se përveç Erion Veliajt në Tiranë, PS ka zyrtarizuar kandidaturat e Armando Subashit në Fier, Sotiraq Filos në Korçë, Dritan Lelit në Vlorë, Majlinda Bufit në Roskovec, Pjerin Ndreut në Lezhë, Gledian Llatjas në Elbasan dhe Safet Gjicit në Kukës.
Ndërkohë në mbledhje është paraqitur një kërkesë nga deputeti Bashkim Fino, për uljen e pagave për policinë gjyqësore, me argumentin se janë mbi pagën e presidentit. Kjo kërkesë nuk u pranua nga deputetët e tjerë të PS. Nesër do të mblidhet Kryesia e PS, ku pritet të diskutohet për çështjet vendore./Opinion.al
