Partia Socialiste nuk mendon të humbë kohë. Pas përfundimit të pushimeve, mazhoranca do të mbledhë grupin parlamentar më 1 Shtator në Elbasan.
Takimi do të zhvillohet në kuadër të fushatës elektorale për zgjedhet e vitit 2021.
Në fokus do të jenë disa çështje ku ndër më të rëndësishmet janë thirrja e Asamblesë Kombëtare për zgjedhjen e kryesisë së re dhe marrja e porosive për nisjen e fushatës elektorale.
Gjithashtu socialistët do të informohen për ndryshimet e reja që do të ndërmerren për Kodin Zgjedhor me qëllim hapjen e listave.
Në fokus të diskutimeve do të jenë edhe sfidat e sesionit parlamentar në tërësi./ Opinion.al
