Partia Socialiste u shpreh skeptike sot mbi një audio-përgjim të publikuar nga Partia Demokratike, ku dëgjohej vëllai i ministrit të Brendshëm, Agron Xhafaj duke folur me një trafikant droge. “Nuk e dimë nëse zëri është autentik”, tha Taulant Balla në një dalje për mediat. Ai kërkoi që prokuroria të nisë hetimet kryesisht mbi këtë material, pasi sipas tij, duhet të hetohet dhe të dalë fajtori.
Sipas kreut te grupit te PS, askush nuk është mbi ligjin, nëse është fajtor vëllai i Xhafës të dënohet ai në të kundërt të dënohet akuzuesi (PD).
Pjesë nga deklarata për mediat e Taulant Ballës:
A është ky një material autentik, një provë apo thjeshtë nj inskenim i radhës, në përpjekjen e vazhdueshme për të baltosur këdo për të penguar çeljen e negociatave të Shqipërisë me BE dhe për të luftuar drejtësinë e re?”, pyeti Balla duke shtuar se kësaj pyetje mund t’’i japë përgjigje vetëm prokuroria dhe askush tjetër.
Në zbatim të ligjit, disponuesit e këtij materiali duhet që menjëherë të shkojnë të depozitojnë materialin në prokurori. Prej këtij momenti, po ashtu prokuroria nuk duhet tua lërë këtë çështje akuzatorëve, por duhet të fillojë hetimet, sepse jo vetëm ne por çdo shqiptar meriton të dijë të vërtetën për këtë pretendim.
Për sa na takon ne presim me padurim të mësojmë të vërtetën me bindjen se ose duhet të ndëshkohet i akuzuari ose duhet të ndëshkohen akuzuesit.
