Partia Socialiste do të dërgojë në Gjykatën Administrative dekretin e Presidentit Nishani, që cakton si datën 11 shtator ditën kur do të mbahen zgjedhjet në Bashkinë e Dibrës.
Presidenti, nga ana e tij, tha se është njoftuar më datë 1 gusht nga Gjykata Kushtetuese për lënien në fuqi të vendimit qarkullues të qeverisë për shkarkimin nga detyra të Shukri Xhelilit, që u përfshi në një videoskandal seksual.
Por Partia Socialiste thotë se Presidenti duhet të presë deri në zbardhjen e vendimit të plotë përpara se të dekretojë datën e zgjedhjeve.
Nga ana e tij, Nishani ka thënë se Kushtetuesja ia ka dërguar të zbardhur vendimin.
