Partia Socialiste ka mbledhur këtë të mërkurë, grupin e saj parlamentar në Kryesinë e Kuvendit. I pranishëm në takim ishte edhe, kreu i PS, Edi Rama. Mësohet se fokusi kryesor i diskutimeve kanë qenë zgjedhjet e 14 Majit.
Drejtuesit e qarqeve kanë raportuar për sondazhet për kandidatët për kryetarë bashkie dhe këshilltarë bashkiakë.
Ndërkaq, raportohet se sa i takon emrave të kandidatëve, kreu i qeverisë Edi Rama ka përmendur vetëm Benet Becin për Shkodrën.
Mësohet se kryesocialisti ka kërkuar që çdo deputet të jetë përgjegjës për zonën e tij dhe ka kërkuar angazhim maksimal.
Nesër në orën 17:00, Partia Socialiste do të mbledhë Kryesinë.
Kujtomë që një javë më parë pas mbledhjes së Kryesisë, kryeministri Edi Rama tha se PS e ka pothuajse gati skuadrën me kandidatët për zgjedhjet e 14 Majit. Teksa u shprehi bindur për fitoren PS, Rama tha se regjistrimi i tyre do të bëhet vetëm pak orë përpara përfundimit të afatit të regjistrimit në KQZ.
