Partia Socialiste ka mbledhur grupin parlamentar mëngjesin e së hënës, e cila transmetohet live në ERTV. Mbledhjen e ka hapur kryetari i grupit, Taulant Balla i cili kërkon të zbardhet çështja e PD, ku ka dyshime për financime ruse në lobingun që kjo parti ka bërë në SHBA.
“Jemi të shqetësuar”, tha Taulant Balla se ku i ka gjetur PD këto para. Sipas tij prokuroria duhe të hetojë pasi ka dyshime edhe për paratë me të cilën u mbajt e hapur çadra e PD, pranveren e shkuar. “Më 18 shkurt 2017 PD bojkoi kuvendin për reformën në drejtësi. Ka dyshime për cadrën e PD. Si u financua kjo çadër që ishte një përpjekje për ta futur vendin në krizë”.
“Ne kemi administruar dokumentacionin. Në 14 nëntor 2017 “Stonington Strategies” raportoi në Departamentin e Drejtësisë se ka marrë dy pagesa nga Partia Demokratike me vlerë totale 525 mijë USD një pagesë 25 mijë dollarë në 27 mars dhe një pagesë 500 mijë dollarë më 9 qershor nga PD dhe një pagesë të tretë nga “Biniatta Trade” në vlerën e 150 mijë USD në datën 24 mars 2017.
Asnjëra prej këtyre pagesave nuk rezulton e deklaruar në raportin financiar të dorëzuar nga PD në Komisionin Qendror të Zgjedhjeve. Gjithashtu, mbetet e paqartë se cila është marrëdhënia mes Partisë Demokratike dhe kompanisë ‘Biniatta Trade,’ e cila është në pronësi të një zinxhiri kompanish të regjistruara në Belizë- nje shtet i Amerikës Qendrore i njohur si parajsë fiskale”, u shpreh ndër të tjera Taulant Balla.
/Opinion.al
