Sekretari i Përgjithshëm i PS, Taulant Balla ka selia e Kuvendit ka lëshuar akuza të forta ndaj prokurorisë. Bëhet fjalë për çështjen CEZ që ai e kishte artikuar edhe më parë, por tani i ka forcuar akuzat.
Në një deklaratë për mediat ai tha se prokuroria mbylli çështjen për aferën më të madhe korruptive të privatizimit të CEZ. Për këtë çështje u ngrit një komision hetimor parlamentar i cili kërkoi nisjen e hetimeve. Por prokuroria kërkoi nga gjykata të pushohet çështja pasi nuk ka vepër penale. Vendimi në gjykatë pritet të merren me 24 Nëntor.
PS shton akuzat publike ndaj organit të prokurorisë në kohën kur hetohet ish-ministri i saj, Saimir Tahiri.
Deklarata e Taulant Ballës
I kërkuam Kryeprokurorit nisjen e procesdimit penal për çështjen CEZ. Sot jemi njohur me faktin se prokuroria ka kërkuar në gjykatë mbylljen e kësaj çështje. Skandali CEZ nuk mund të mbyllet. Pse Prokuroria nuk merr në pyetje emrat e personave që dolën nga hetimi parlamentar. Vendimi i Kuvendit u miratua me 74 vota. Si ka mundësi që ka prokurorë që e çojnë ndër mend të mbyllin këtë aferë pa bërë asnjë hetim? Kush u ka dhënë këtyre prokuorëve të drejtën që sillen me drejtësinë si me qenë pazar?
Kush janë këta prokurërë që falin Sali Berishën?
Kush janë këta persona që falin Ndue Nik Kalajn?
Kush janë këta që falin Genc Rulin për privatizimin e OSHEE në CEZ?
Kush janë këta që falin Ridvan Boden?
/Opinion.al
