Partia Socialiste ka propozuar që numërimi i votave të diasporës të realizohet nga administrata e Komisionit Qendror të Zgjedhjeve dhe jo nga përfaqësuesit e partive politike.
Socialistëtkanë kërkuar që partitë politike të kenë vetëm statusin e vëzhguesit gjate numërimit të votave që do të vijnë nga diaspora përmes shërbimit postar për zgjedhjet parlamentare të 11 Majit.
Ky propozim u dha edhe nga Kryekomisioneri Ilirjan Celibashi në aktin për administrimin e votës, në Komisionin Rregullator pranë Komisionit Qendror të Zgjedhjeve.
Argumenti kryesor i socialistëve bazohet në faktin se mënyra e numërimit të votës së diasporës është e sanksionuar në ligj në Kodin Zgjedhor. Aty thuhet se zarfet me vota nga jashtë, numërohen nga administrata e KQZ. Lidhur me këtë propozim, PD kërkoi që votat nga jashtë, të trajtohen njësoj me votat brenda vendit.
Një ditë më parë, Komisioni Rregullator u mblodh për të diskutuar këtë çështje, por palët nuk gjetën dakordësinë.
Kjo solli që vendimi për numërimin e votave të diasporës të shtyhet për në fillimin e vitit 2025. Mungesa e dakordësisë mes partive politike është edhe për vendndodhjen se ku do të numërohen votat e diasporës.
Klan News
