Është mbyllur numërimi edhe në Bashkinë e Sarandës pjesë e qarkut të Vlorës. Edhe në këtë bashki si në shumicën bashkive të vendit Partia Socialiste ka rezultuar fituese me 52.51 % të votave. Forcë e dytë në këtë bashki ka dalë Partia Demokratike me 33.89%.
Ndërkohë ajo që vihet re është një mirkuptim mes palëve politike. Procesi i numërimit të votave është mbyllur me një shtrëngim duarsh dhe përqafim qytetarie nga kandidatet e PS dhe PD, Anila Denaj dhe Ina Zhupa.
Znj.Denaj, aktualisht ministre në detyrë e Financave është e katërta në listën e socialistëve, ndërsa Ina Zhupa renditet e dyta në listën e demokratëve për qarkun Vlorë.
Përqafimi i dy kandidateve është shoqëruar me duartrokitje nga aktivistët e pranishëm në qendrën e numërimit./Opinion.al
