Partia Socialiste zhvillon sot një takim festiv me rastin e 34-vjetorit të themelimit, ceremoni e cila pritet të zhvillohet në selinë qendrore të PS.
Sipas asaj që raporton gazetarja e Klan News, Klesiana Omeri, në këtë event simbolik do të mbajë fjalën e tij Kryetari i Partisë Socialiste dhe Kryeministri Edi Rama, në prani të anëtarëve të kryesisë, deputetëve dhe të ftuarve të tjerë.
Kryeministri Rama do të përshëndesë të ftuarit, themelues, kontributorë të tjerë që e ndërtuan dhe konsoliduan partinë në vite.
Ndërkohë kujtojmë që festa zyrtare e PS ishte më 12 qershor, por aktivitetet dhe ceremonia u shtynë për shkak të axhendës së kryeministrit Rama.
