Përfshirja e aktivistëve të LGBT në disa seminare për bulizmin në shkolla hapi mjaft debat në vend dy javë më parë. Debat ky ky që u sfumua prej zhvillimeve të fundit, protesta për taksën e Rrugës së Kombit, financimet e dyshimta të SOROS në Shqipëri, etj. Duket se mazhoranca përpiqet ta ndezë sërish këtë debat, edhe pse zyrtarisht ende ka asnjë deklaratë nga Ministria e Arsimit nëse do të vazhdojnë trajnimet në shkolla.
Ka qenë n/kryetarja socialiste e parlamentit, Vasilila Hysi e cila gjatë një forumi për personat LGBT bëri deklaratën e fortë: “Në këtë Kuvend krah për krah me ne kanë qenë të ulur kolegë pa integritet, të përfshirë ose të dyshuar për lidhje me botën e krimit ose të koprruptuar. Mes nesh ka pasur deputetë, kolegë dhe kolege që nuk e meritonin të ishin në Kuvend dhe janë pranuar dhe nuk na ka ardhur turp që i kemi pasur një pjesë. Ndërsa kur flasim për çështjet e LGBTI ka kolegë që i zë tmerri dhe nuk e pranojnë diskutimin e kësaj çështje. Sa herë që ka çështje që lidhen me këtë komunitet ka një hezitim, ka frikë, kanë frikë mos humbasin mbështetësit e tyre në zonat elektorale, disa nuk kanë informacionin e duhur. Unë i kuptoj por nuk i mirëkuptoj. Në këtë kuadër mendojmë se pavarësisht se janë pakica në krahasim me shumicën e deputetëve në Kuved, Kuvendi i Shqipërisë ka shumë për të bërë. Shumica e kolegëve tanë nga mazhoranca dhe opozita kanë një qasje tjetër për të drejtat e njeriut dhe parandalimin e diskriminimit”, deklaroi Hysi.
/Opinion.al
