Deputeti i PD-së zyrtare Enklejd Alibeaj, në fjalën e tij me gazetarët jashtë parlamentit, deklaroi se PS dhe Rithemelimi janë bërë bashkë kundër SPAK.
Alibeaj citoi raportin e Freedom House, duke theksuar se partitë politike duhet që të përjashtojnë nga vetja të korruptuarit.
Ai tha se asnjë i korruptuar dhe asnjë nongrata nuk do të jetë pjesë e PD, referuar ish-kryeministrit Sali Berisha.
“Janë bërë bashkë për ta sulmuar SPAK. Raporti i FH nuk trajton vetëm çështjen e sulmit ndaj SPAK. E gjithë ajo marrëveshje oklute kishte si tagër të vetëm sulmin ndaj drejtësisë. Ka thënë edhe diçka tjetër: “Është e rëndësisë jetike që partitë politike të largojë ata që janë përfshirë në korrupsion”. Kjo është sentenca flamur që politika shqiptare sot duhet ta ketë si udhërrëfyes.
Drejtësia po e bën këtë luftë, por duhet të jenë partitë që duhet ta bëjnë. PD e ka marrë këtë betejë brenda vetes këtu e 3 vite më parë. Ka qenë një beteje, jo pa dhimbje, por e vështirë. Nikolla përfshin me një kërkesë të pa legjitimuar, deputetë në grupin parlamentar. Nuk kam problem me qëndrimin që deputetë të veçantë që mund të mbajnë, por qëndrimi i PD është vlerë e jona. Përjashtimet kanë qenë distancim nga simptomat korruptive. PD duhet të dalë para publikut dhe të tregojë a është e aftë.
Lindita Nikolla kuron qëndrimet politike të PD, mendoni ku ka shkuar grotesku.
Mbron interesat e PD, Nikolla. Ja ku të çojnë pazaret e natës. Qëndrimi PD ka qenë parimor dhe do të vazhdojë të jetë i tillë, asnjë i korruptuar dhe asnjë nongrata nuk do të jetë pjesë e PD. Mund të jetë pjesë e grupimeve që mban Lindita Nikolla, bëtaja e PD është betejë e të gjitha partive politike dhe e Shqipëria. Është ngjarja më e hidhur e pazareve politike”, tha Alibeaj.
