Kuvendi ka miratuar projektligjin për parandalimin e pastrimit të parave. Miratimi i këtij projektligji u shoqërua me debate nga të dyja palët, ndërsa opozita pati paralajmëruar se do të votonte pro.
Projektligji për parandalimin e pastrimit të parave ka kaluar me 106 vota.
Gjithashtu konsensus mes PS dhe PD pati edhe për dy projektligje që u kaluan sot, siç ishte ai për marrëveshjen me Pfizer për furnizimin me vaksina dhe rregullorja e re e Kuvendit.
Projektligj “Për disa ndryshime dhe shtesa në ligjin nr. 9917, datë 19.05.2008 “Për parandalimin e pastrimit të parave dhe financimit të terrorizmit të ndryshuar” u miratua me 106 vota pro.
Projektvendimi “Për një ndryshim në vendimin nr. 166, datë 16.12.2004 “Për miratimin e Rregullores së Kuvendit” kaloi me 111 vota pro; dhe akt normativ “Për miratimin e tekstit te disa ndryshimeve ne marrëveshjen për prodhimin e furnizimin me vaksinën “Pfizer” me 112 vota pro./Opinion.al
