Është mbledhur këtë të martë Komisioni Parlamentar i Ekonomisë, ku është diskutuar për projektligjin e rritjes së pagave.
Projektligji i sjellë nga qeveria nxiti debat tek deputetët pjesëmarrës në komision, pasi edhe këta të fundit kërkuan rritjen e pagave të tyre.
Pas debateve dhe replikave opozita dhe mazhoranca miratuan projektligjin për rritjen e pagave. Ndërkohë që pro u votua edhe për propozimin e opozitës që nga rritja e pagave të preken edhe deputetët dhe ministrat.
Rritja e pagave për deputetët dhe ministrave do të bëhet sipas koeficentëve.
Në propozimin e sjellë nga qeveria nuk ishte parashikuar një rritje e tillë, por deputetët e komisionit të ekonomisë me propozim të deputetëve të komisionit të ligjeve propozuan dhe miratuan rritjen e pagës së deputetëve duke ruajtur hierarkinë me koeficiente 0.73.
Drafti pritet të kalojë të enjten në Parlament./Opinion.al
