Kryetari i Partisë Demokratike, Lulzim Basha ka reaguar pasi ditën e sotme Komisioni Hetimor i Inceneratorëve u bojkotua nga socialistët.
Basha shkruan se ky bllokim është i jashtëligjshëm e antikushtetues dhe se demaskon kokat e vërteta që kërkojnë t’i fshihen drejtësisë.
Ne reagimin e tij, kreu i PD shkruan se lufta kundër korrupsionit është jetikë për Shqipërinë.
“Bllokimi i Komisionit Hetimor për mafien e inceneratorëve nga Partia Socialiste, është jo vetëm i jashtëligjshëm dhe antikushtetues, por demaskon kokat e vërteta që kërkojnë t’i fshihen drejtësisë, për dëmin prej 430 milionë euro që u kanë shkaktuar familjeve shqiptare. Lufta kundër korrupsionit është jetike për Shqipërinë dhe përpjekjet e qeverisë më të korruptuar në rajon, për të penguar transparencën dhe hetimin parlamentar, nuk do ta ndalin misionin tim dhe të Partisë Demokratike në përballjen me armikun e mirëqenies së shqiptarëve”-shkruan Basha./Opinion.al
