Kreu i Grupit Parlamentar të Partisë Socialiste, Taulant Balla ka dhënë një deklaratë për mediat pas mbledhjes së grupit parlamentar të PS.
Balla u shpreh se është diskutuar për një sërë çështjesh për ngritjen e Komisioneve hetimore. Sipas Ballës kanë ardhur tre kërkesa nga PD njëra prej të cilave, që konsiston me ngritjen e Komisionit Hetimor për çështjen “Becchetti” bie ndesh me interesat e Shqipërisë dhe me Kushtetutën e vendit.
“Lidhur me qëndrimin tonë për ngritjen e komisioneve hetimore. Njëra prej kërkesave bie në kundërshtim me vendimin e Gjykatës Kushtetuese pasi bie ndesh me Kushtetutën dhe interesin e Shqipërisë pasi është në procese gjyqësore. Interesi më i madh është interesi i Shqipërisë.
Shqipëria duhet të vazhdojë të mbrojë interesat e saj dhe ky ka qenë një sugjerim i Avokatit të Shtetit, i cili kërkon që kjo çështje të shtyhet dhe sapo Shqipëria të ketë ecur në procesin juridik dhe më pas mund të ngremë edhe këtë komision hetimor”, tha në një prononcim për mediat kreu i Grupit Parlamentar të PS-së, Taulant Balla./Opinion.al
