Deputetja e PD, Ina Zhupa ditën e sotme ka sjellë në vëmendje problemet që sipas saj përsëriten në Maturën shtetërore.
Zhupa thotë se ditën e hënën në orën 16:00 maturantët do të nisin protestat për hartimin dhe vlerësimin tezave të provimeve.
Përmes një postimi në “Facebook”, Zhupa thotë se provimi i biologjisë ka qenë jashtë standardit dhe jashtë programeve mësimore që kanë marrë gjatë këtyre viteve maturantët.
Deputetja demokrate i bën thirrje ministres së Arsimit, Evis Kushi që të heq nga skema e vlerësimit pyetjet jashtë programit, të ndryshohen kufijtë e vlerësimit të notave, duke ulur pragun në skemën me pikët e reja pas heqjes së pyetjeve jashtë programi.
Postimi i plotë
Matura 2022, probleme të përsëritura pa asnjë vullnet për ti zgjidhur, në kurriz të mundit të maturantëve. E rritën “Turin” e bënë model të testeve të dështuara!!
Provimi i Biologjisë rrezikon vlerësimin real dhe kurorëzimin me sukses së ëndrrave të maturantëve për degët e preferuara si mjekësia etj.
Një test siç e vlerësojnë mësuesit e biologjisë por edhe vetë maturantët, jashtë standartit, jashtë programi, i koklavitur, me çelës përgjigjesh që përsëri lë hapësira për komente.
Më 10 Mars e kam thirrur në interpelancë ministren Kushi, pikërisht për maturën shtetërore 2022, edhe i kam kërkuar teste pilote për të kuptuar vështirësitë pasi është matura që ka nisur gjimnazin me pandemi, hartimi e tezave me përgjegjesi, me korrektësi, brenda programit etj. Asgjë nuk mori parasysh dhe bëri propagandë. Ndërkohë vit pas viti bëjnë teza “ Turi” me papërgjegjshmërinë më të madhe.
Të hënën në orën 16:00 maturantët protestojnë sërisht.
I bëj thirrje ministres Kushi mos ti shkatërroj mundin dhe ëndrrat maturantëve:
Të hiqen nga skema e vlerësimit pyetjet jashtë programit.
Të rishikohet çelësi i provimit, sipas verejtjeve dhe sugjerimeve të mësuesve të biologjisë.
Të ndryshojnë kufinjtë e vlërësimit të notave, duke ulur pragun në skemën me pikët e reja pas heqjes së pyetjeve jashtë programi.
Të mbajnë përgjegjësia QSHA dhe hartuesit e tezave.
Keni 4 vjet që maturatët i detyroni të protestojnë për shkak të testeve të hartuara pa cilësi në lëndë të ndryshme dhe askush nuk ka mbajtur përgjegjësi.
