Policia e Shtetit njofton se 470 punonjës policie u angazhuan për mbarëvajtjen e zhvillimit të provimit të parë të Maturës Shtetërore, atij për gjuhën e huaj.
Masat janë marrë me urdhër të Drejtorit të Përgjithshëm të Policisë së Shtetit “Për planifikimin dhe kryerjen e shërbimeve policore, gjatë procesit të provimeve të Maturës Shtetërore, qershor 2023”.
Mbrëmjen e djeshme, policia mori në në ruajtje 52 objekte arsimore, (Z. A.) në të cilat u vendosën materialet e provimit.
Në përfundim të provimit punonjësit e policisë në zbatim të detyrave, bënë shoqërimin e materialeve të provimit.
Gjatë gjithë procesit, nuk është evidentuar asnjë incident, përsa i përket rendit dhe sigurisë.
