Seanca për Tahirin nesër pritet të jetë më e fortë. Nga Italia kanë mbërritur të tjerë fashikuj që implikojnë emrin e tij.
“Në Prokurorinë e Krimeve të Rënda ka mbërritur nga pala italiane një tjetër fashikull me 380 faqe në lidhje me hetimet e nisura për Saimir Tahirin në dosjen e Habilajve”, shkruan shqiptarja. com
Pala italiane i është përgjigjur palës shqiptare për ndihmë juridike në procesin që ka nisur në Shqipëri.
Burimet pohojnë se përmbajtja e 380 faqeve që ka mbërritur sot është e vlefshme edhe për përballjen e ditës së nesërme në Këshillin e Mandateve ku do të vendoset fati i imunitetit të Tahirit. Materiale voluminoz prej 380 faqesh është përkthyer nga gjuha italiane dhe ka marrë vulat.
