Gjykata ka caktuar masën e sigurimit detyrim paraqitje edhe ndalim për të marrë pjesë në protesta, për 4 protestuesit që u arrestuan pas tubimit të dhunshëm të opozitës para bashkisë.
Ky vendim është kundërshtuar nga deputetët e opozitës, të cilët ishin jashtë ambienteve të gjykatës për ti mbështetur.
Në një deklaratë për media, deputeti i PD Flamur Noka tha se kjo ishte një masë që u shpik për protestuesit, me qëllim që ata të mos lejohen të protestojnë kundër hajdutërisë.
Ai tha se asgjë nuk e ndal opozitën të protestojë, duke ftuar të gjithë qytetarët që të bëhen pjesë e protestës ditën e premte.
”Pra pasi ju turren protestuesve duke i dhunuar dhe duke i mbajtur peng, vetëm se protestojnë kundër hajdutërisë.
Sot në shtetin e Edi Ramës të protestues kundër hajdutëve je i paligjshëm të vjedhësh taksat e shqiptarëve ke bekim edhe të policisë edhe të institucioneve të shtetit.
Drejtësia e re për të mbrojtur hajdutërinë e pushtetit shpiku një masë që përpos detyrimit të paraqitjes nuk lejohet të dilni në vende publike. Kjo tregon që kemi të bëjmë me struktura të mirëfillta. Këta kërkojnë të ndalojnë protestën kundër hajdutërisë”, u shpreh Noka.
