Sot teksa Parlamenti do të mblidhet në seancën e radhës, ku do të betohen edhe deputetët e rinj të Partisë Demokratike dhe LSI-së, opozita do të zhvilloje protestën e paralajmëruar.
Që në orët e para të mëngjesit protestuesit kanë nisur të vijnë nga rrethet drejt Tiranës. Nga Fieri, kryetari i PD-së në këtë qark Luan Baçi thotë se qytetarët do të udhëtojnë drejt kryeqytetit me mjetet e tyre personale. Për “News 24”, Baçi u shpreh se protesta do të jetë përpara një parlamenti që opozita nuk e njeh.
“Parlament fals, i mbushur me kriminelë dhe njerëz të papërgjegjshëm që mendojnë se përfaqësojnë popullin. Nuk do të lejojmë të zhvillohet një parlament i rregullt. Protesta do të kulmojë në 13 prill. Nga këto protesta popullore kryeministri Rama duhet t’i thërrasë mendjes pasi protestat janë qytetare. Betimi i deputetëve të rinj është një lojë e mazhorancës së sotme që kërkon të krijojë një opozitë false”, tha Luan Baçi./Opinion.al
