Protesta e sotme e banorëve të Divjakës është shoqëruar me tensione mes tyre dhe forcave të policisë.
Pasi marshuan drejt kabinës ku do të vihej dhe trau, protestuesit tentuan që të vendosnin një parullë, por janë ndaluar nga forca të shumta policie.
Ata i kërkuan policisë që t’i lejonin të protestonin për të drejtën e tyre, por një kordon policie i ka penguar ata që t’i afroheshin kabinës.
Sakaq, protestuesit në shenjë revolte kanë gjuajtur me gurë në drejtim të kabinës dhe kanë thyer xhamat e saj.
Këtë të premtë qytetarët u nisën nga qendra e Divjakës dhe marshuan në drejtim të parkut.
Ata kundërshtojnë vendimin e ministrisë së Mjedisit që ka vendosur një tarifë prej 50 lekësh për vizitorët, që do hyjnë brenda parkut.
