Sot po zhvillohet tjetër protestë për vrasjen e 25-vjeçarit Klodian Rasha nga një efektiv policie pasi nuk iu bind urdhrit për të ndaluar.
Protesta ka nisur në Tiranë, Durrës dhe Elbasan. Protestuesit thërresin “Drejtësi për Klodianin”, “Rama ik” si dhe “poshtë diktatura”. Deri më tani situata është e qetë dhe pse disa nga protestuesit kanë hedhur shashka. Ndërkohë, forcat e policisë janë në gatishëmri. Protesta aktuale vjen pas pak orësh nga protesta në Shkodër, ku u dhunua selia e PS, si dhe u dogjën materialet brenda saj.
Kujtojmë se në protestat e mëparshme qytetarët janë përplasur me forcat e policisë si dhe kanë shkaktuar dëme materiale në kryeqytet. si pasojë e përplasjeve janë plagosur efektivë policie dhe qytetarë. Po ashtu, shumë qytetarë janë proceduar penalisht.
Pas dorëheqjes së Sandër Lleshajt nga posti i ministrit të Brendshëm, protestuesit kërkojnë dhe largimin e drejtorit të Policisë së Shtetit, Ardi Veliu./ Opinion.al
