Një grup protestuesish kundër vaksinimit ndaj COVID-19 janë përplasur me forcat e policisë në Londër, teksa tentuan të sulmonin selinë e Agjencisë Rregullatore të Mjekimeve dhe Produkteve të Kujdesit Shëndetësor (MHRA) në Canary Wharf.
Protestuesit u përpoqën të hapnin me forcë derën e zyrave të rregullatorit. Disa nga turma që ishin mbledhur në Canary Ëharf u përfshinë më vonë në një konfrontim tjetër jashtë qendrës së vaksinimit të Muzeut të Shkencës në Kensington, në perëndim të Londrës.
Protestat kuptohet se janë organizuar nga aktivistë të zemëruar nga raportet se fushata e vaksinimit Covid-19 mund të shtrihet në grupmoshat më të reja.
