Politikë

Protestuesit i kërkojnë të dalë para tyre,Rama:I gatshëm të dëgjohem,jo të shahem


Bëhu pjesë e Grupit Zyrtar të Opinion.al
>> KËTU <<
               Publikuar në : 19:18 - 10/03/22 |
Opi Nion

Kryeministri Edi Rama iu është përgjigjur online qytetarëve që protestojnë para zyrës së tij kundër rritjes së çmimeve.

Një nga komentuesit i kërkon Ramës që të dalë nga zyra e të shkojë tek protestuesit, duke thënë se është i gatshëm të dëgjojë dhe të dëgjohet, por se të shahet, të akuzohet dhe të përballet me ulërima është humbje kohe.

 “Nuk kemi se si dëgjohemi këtu përpara se unë jam shumë i gatshëm të dëgjoj dhe të dëgjohem, por të shahem dhe të akuzohem dhe të përballem me ulërima mbi bazë faktesh të sajuara, kjo është humbje kohe për mua, dhe është pavlefshme për ata të cilët unë jam këtu. Për fjalim dal me qejfin më të madh, por për të mbajtur një fjalim ku të dëgjohem, jo të mos lejohem të flas. Ju vazhdoni me rrëzimin e komunizmit, ne do vazhdojmë me përpjekjen tonë në krahë të njerëzve të zakonshëm. Në krah të atyre që nuk kanë X5, të atyre që nuk kanë iPhone të modelit të fundit, në krahë të atyre që na kanë pasur në krahë. Edhe në Shqipëri çmimet po bien dhe po e them përsëri. Kjo është një temë që do e adresojmë dhe do bëjmë transparencë të plotë. Do hyjë qeveria në bordin kombëtar për emergjencën e karburantit dhe askush nuk do mund të bëjë asnjë spekulim dhe të nxjerrë asnjë qindarkë më shumë. Sot jemi në fillimet një gjëje që nuk e dimë si do zhvillohet. Gjëja më e rëndë që kemi përpara potencialisht dhe ua them sepse di që e vërteta është ilaç i hidhur, por i domosdoshëm, nuk i them për panik as humbje shprese, por kur je përballë kësaj vështirësie, je i destinuar të pësosh disfatë. Gjëja më e rëndë që mund të ndodhë përpara është mungesa e naftës, e energjisë. Sot kur dalim në treg për të marrë energji, është se edhe nuk e gjejmë dot sasinë e nevojshme të energjisë. Bota është në krizë energjetike, ky është fakt, bota e ka thelluar maksimalisht. Duhet të jemi shumë realistë”,-tha Rama./ Opinion.al

Pas