Është bërë pjesë e protestës së sotme përfaqësuesi i Sindikatës së Fermerëve. Ai foli para Kryeministrisë, ku u shpreh se qeveria po i detyron të largohen nga vendi.
Ai i drejtoi një kritikë kryeministrit Rama duke i thënë se “ju vilni taksa si në kohë normale, kur ne duhet të jetojmë si në kohë lufte”.
“Sot ne që protestojnë, jo që nuk jemi të turpëruar, por dinjitoz. Ne protestojmë që mos të braktisim vendin tonë. Qeveria po i detyron fermerët që të braktisin vendin e tyre. 20% e fermerëve braktisën Shqipërinë. Instrumenti ynë që të mos braktisim vendin, është protesta. Ne jetojmë në kapitalizëm, por përveç ekonomisë së tregut, ka institucione që ndihmojnë qytetarët. Ka politika fiskale, kur tregu çmendet, qeveria ndërhyn përmes instrumenteve. Pse ju thoni se do vilni taksa si në kohë normale, kur ne duhet të jetojmë si në kohë lufte”,- u shpreh ai.
