Gjykata ka dhënë masen “detyrim paraqitje” për katër banorët e fshatit Verri që u ndaluan dy ditë më parë nga policia, teksa protestonin kundër ngritjes së një incineratorit në Verri të Fierit. Policia i mbante në paraburgim, banorët protestues, por gjykata vendosi që hetimet ndaj tyre te zhvillohen ne liri. Protestuesit jane Aleksandër Bita, Eridjon Jani Bledion Bita dhe Zyluftar Delibashi.
Ky i fundit një ditë më parë ishte dhunuar nga policia, ndërsa u vu në pranga. Policia thotë se arrestimet janë bërë pasi ata persona kanë marrë pjesë në një protestë të paligjshme.
Protesta e banorëve të Verrisë që kundërshtojnë ndërtimin e impiantit solli edhe konfrontimin e tyre me forcat e policisë.
Ata kërkojnë bllokimin e punimeve, duke akuzuar se projekti është vdekjeprurës për ta.
Opozita ka akuzuar ministrin e Financave, Arben Ahmetaj se qëndron pas ndërtimit të impiantit të plehrave në këtë zonë.
